EDINBURGO. SNP Eskoziako Alderdi Nazionalaren buruzagia aukeratzeko primarioetako bozketa epea ireki zuten atzo. Hiru hautagai daude lehian: Kate Forbes Eskoziako Finantza ministroa, Ash Regan Eskoziako Parlamentuko diputatua eta Humza Yousaf Osasun ministroa. Yousaf da faboritoa, besteak beste, alderdiko goi kargudunen babesa jaso baitu; Forbes izango du lehiakide nagusia, inkesta batzuen arabera, ezagunagoa baita eta ospe handiagoa baitu militanteen artean.
Bozketak bi aste iraungo du, eta irabazlea hilaren 27an jakinaraziko dute. Hark hartuko du Nicola Sturgeonen tokia Eskoziako lehen ministro karguan, eta, besteak beste, bigarren independentzia erreferenduma egiteko estrategia diseinatu beharko du.
Humza Yousaf faborito SNPren primarioetan
Iruzkinak
Ez dago iruzkinik
Ordenatu