TIJUANA. Mexikoko Migrazio Nazionalerako Institutuak jakinarazi duenez, gobernuak karabanako 98 iheslari deportatu zituen atzo, igandean mugan izandako istiluen ostean. Deportatuetako gehienak hondurastarrak dira. Migrazio legeak urratu izana leporatu diete iheslariei.
Tijuanan 7.000 iheslari daude jasa, eta horietako batzuk, 500 inguru, mugara gerturatu ziren igandean, hesia saltatzeko asmoz. Han, Mexikoko poliziaren hesiarekin egin zuten topo.AEBetako armadak, berriz, negarra eragiteko gasa eta gomazko pilotak jaurti zizkien. Hainbat lagun zauritu ziren; tartean, haurrak. San Ysidroko pasabidea lau orduz itxi zuten.
Donald Trump Ameriketako Estatu Batuetako presidenteak, berriz, migratzaileak euren jatorrizko herrialdeetara itzultzeko eskatu dio Mexikori. Horretarako «beharrezkoa den guztia egiteko» eskatu dio, argudiatuz iheslarietako asko «benetako kriminalak» direla. Muga modu iraunkorrean ixteko mehatxua ere egin du Trumpek.
Karabanako 98 iheslari deportatu ditu Mexikok
Iruzkinak
Ez dago iruzkinik
Ordenatu
