Apoyos Metalicos itxi, eta 73 langile kalera doaz

Berria -

2019ko irailak 12
IRUÑEA. Apoyos Metalicos enpresak Olatzagutiko (Nafarroa) bere fabrika itxiko du datorren astean, eta han jarduten duten 73 behargin kaleratuko dituzte. Asturiasko (Espainia) Daniel Aloso taldearena da Apoyos Metalicosen %66; beste herena Siemens Gamesarena da. Langile batzordeari planta ixteko erabaki irmoa jakinarazi zion zuzendaritzak. Batzordeak esan du lanean jarraitzeko baldintzak ikusi ez dituenez, enpresaren azken proposamena onartu duela batzarrak (50 boto alde eta 6 aurka), eta langilearen estatutuak finkatzen duenetik gorako kalte-ordainak jasoko dituztela; 41.000 euro batez beste. 55 urtetik gorakoek, gainera, laguntza gehiago izango dituzte. Hala, langile batzorde osoak (ELA, LAB eta UGT) sinatu du enpresak mahairatu duen erregulazio dosierra.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna