RIGA. Ukraina NATOko kide bihurtzen baldin bada, Errusiak ez du «inolako» beto eskubiderik izango. Hori adierazi zion aliantza militarreko idazkari nagusi Jens Stoltenbergek Moskuri. «Errusiak ez du zer esanik, eta ez du eskubiderik bere bizilagunak kontrolatzen ahalegintzeko», esan zuen, NATOko kide diren estatuetako atzerri ministroek bi egunez Rigan egin duten bilera amaitzeko agerraldian.
Stoltenbergek nabarmendu zuen herrialde «burujabea eta independentea» dela Ukraina, baina aliantzako kideei dagokiela hura NATOko kide bihurtzea. «30 aliatuek erabakiko dute». Iruditzen zaio horretarako «estandar batzuk» bete beharko dituela Ukrainak. Stoltenbergen esanetan, bide horretan «ustelkeriaren kontrako borrokan» laguntza ematen ari zaio aliantza Kievi. Ukrainako Atzerri ministro Dmitro Kulebak atzo esan zuenez, «saihetsezina» da Ukraina NATOn sartzea.
Horrekin lotuta, Bielorrusiako presidente Aleksandr Lukaxenkok herenegunadierazi zuen Krimea Errusia dela.
NATOk Errusiari esan dio ezin diola Ukrainari betorik jarri
Stoltenberg idazkari nagusiak dio «estandar batzuk» betetzen dituenean bihurtuko dela Kiev aliantzako kide
Iruzkinak
Ez dago iruzkinik
Ordenatu