Albistea entzun

Nafarroako txapelketan azken final-laurdena jokatuko da etzi

Bizkaiko txapelketako final-laurden bat jokatuko dute Ortuellan, eta Xilabako lehen finalaurrekoa Maulen
Joanes Illarregi, Zangozako saioaren irabazlea.
Joanes Illarregi, Zangozako saioaren irabazlea. NAFARROAKO BERTSOZALE ELKARTEA Tamaina handiagoan ikusi

Berria -

2021eko urriak 14

BERTSOLARITZA. Etzi argituko da zein bertsolarik abestuko duen Nafarroako Bertsolari Txapelketako finalaurrekoetan. Donezteben egingo dute final-laurdenetako laugarren eta azken saioa, 17:30ean, herriko zineman. Irabazlea zuzenean sailkatuko da finalaurrekoetara, eta puntuazioaren arabera jakingo da zein beste bertsolarik osatuko duten hemezortziko taldea.

Ekain Alegre, Sahats Aleman, Egoitz Gorosterrazu, Iker Gorosterrazu, Josu Sanjurjo eta Julio Soto ariko dira kantuan, eta Maialen Belarra ibiliko da gai jartzaile. Sarrerak salgai daude bertsosarrerak.eus webgunean.

Aurreko hiru final-laurdenetako irabazleak dagoeneko sailkatu dira: Eneko Fernandez, Eneko Lazkoz eta Joanes Illarregi. Finalaurrekoen fasea azaroaren 1ean hasiko da, Altsasun.

Bestalde, etzi jokatuko dira Bizkaiko txapelketako eta Xilabako hurrengo saioak ere. Bizkaiko txapelketako hirugarren kanporaketan, Asier Alcedok, Txaber Altunek, Julen Ibarguengoitiak, Mikel Retolazak, Garikoitz Sarriugartek eta Peru Vidalek kantatuko dute, 17:00etan, Ortuellako Gorbea aretoan.

Xilaba txapelketako lehen finalaurrekoa Maulen izango da, Maule Baitha gelan. Karlos Aizpurua, Amets Arzallus, Kerman Diaz, Maddi Sarasua, Aitor Servier eta Maddi Ane Txoperena ariko dira kantuan han, 16:00etatik aurrera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alex Gurrutxaga, Txani Rodriguez eta Mikel Reparaz erdian, Javier de Isusi pantailan, eta Bingen Zupiria Kultura sailburua eta Andoni Iturbe Kultura sailburuordea hegaletan, atzo, Bilbon. ©OSKAR MATXIN / FOKU

Euskadi saria Alex Gurrutxagari, Leteri buruzko saiakeragatik

Javi West Larrañaga

'Xabier Lete. Aberriaren poeta kantaria' liburuagatik jaso du saria Gurrutxagak. Txani Rodriguez, Mikel Reparaz eta Javier de Isusi saritu dituzte gaztelerazko eta ilustrazioko arloetan

Gitarra, pipa eta bibotea izan ziren Georges Brassensen ezaugarri bereizgarrienak. ©ROBERT DOISNEAU / EFE
Kulturako zuzendari nagusia, Nafarroako Museoko zenbait arduradun eta erakusketan parte hartzen duten artistetako batzuk, museoan. ©NAFARROAKO GOBERNUA

Nafarroako Museoak iaz erosi zituen hamalau obra berriak ikusgai daude

Ane Eslava

Hamalau artista nafarren askotariko lanak dira. Erakusketak 'Hamalau gehiago' izenburua du

Sustatzaile eta parte hartzaileek atzo aurkeztu zuten egitaraua. ©DONOSTIA KULTURA

24. Aita Donostia Musika Astea programa bikoitz batekin hasiko da gaur

Erredakzioa

Julian Barrenetxea eta Aita Donostia abesbatzak ariko dira lehen saioan. Ohi bezala, Donostiako Kaputxinoen elizak hartuko ditu emanaldiak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.