EDINBURGO. Eskoziako Gobernuak atzo jakinarazi zuen Erresuma Batukoa auzitara eramango duela, Eskoziako Parlamentuak abenduan onarturiko trans lege-proiektua blokeatzeagatik. «Eskoziako Parlamentuaren gaitasun legegileen aurkako erabaki bat da, aurrekaririk gabea. Betoak aurrekari arriskutsu bat finkatu dezake», esan zuen Eskoziako Justizia Sozialerako ministro Shirley-Anne Somervillek, komunikatu baten bitartez. Londresek argudiatu zuen lege horrek «bi onarpen erregimen desberdin» ezarriko lituzkeela «Erresuma Batuaren barruan».
Besteak beste, trans lege-proiektuak jasotzen du 16 urtera jaistea administrazioari sexu aipamenean aldaketa eskatzeko gutxieneko adina —egun, gutxienez 18 urte izan behar dira hori eskatzeko—, eta atzera botatzen du txosten mediko bat aurkezteko beharra. Izan ere, egun «genero disforiaren diagnosi psikiatriko bat» aurkeztu behar zaio administrazio publikoari.
Eskoziako trans legearen blokeoa, auzitara
Iruzkinak
Ez dago iruzkinik
Ordenatu
