Noiz sortua: 2020-02-14 00:30:00

Israelek loturak hautsi ditu NBEren batzorde batekin

Berria -

2020ko otsailak 14
TEL AVIV. Palestinako lurretan dauden Israelgo kokalekuetan jarduten ari diren enpresen zerrenda bat zabaldu zuen herenegun Nazio Batuen Erakundeak (NBE), eta argitalpen horrek Tel Aviven haserrea piztu du. Erantzun gisa, Israelgo Gobernuak atzo jakinarazi zuen eten egingo dituela NBEko Giza Eskubideen batzordearekiko harremanak —talde horrek osatu zuen txostena—.

NBEk 112 enpresa zerrendatu ditu, eta izen ezagunak daude tartean: Airbnb, Expedia, TripAdvisor eta Motorola, esaterako. Israelgo jarduneko lehen ministro Benjamin Netanyahuren iritziz, giza eskubideen batzordea erakunde «lerratua eta eraginik gabekoa» da, eta horregatik hartu du harremanak eteteko erabakia. Mike Pompeo Ameriketako Estatu Batuetako Estatu idazkariak ere kritika berak egin zizkion NBEri. Txostenean nabarmendu dute enpresa horien lanak «giza eskubideen inguruko kezka» eragiten duela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna