Albistea entzun

Rezustak ez dio aukerarik eman Elezkano II.ari: 22-8

Gaur bi partida jokatuko dituzte Donostian: Zabaleta, Darioren aurka; eta, Ezkurdia, Altuna III.aren kontra
Beñat Rezusta, pilota jotzear, final-zortzirenetako partidan.
Beñat Rezusta, pilota jotzear, final-zortzirenetako partidan. ARITZ LOIOLA / FOKU Tamaina handiagoan ikusi

Berria -

2021eko maiatzak 22

PILOTA. Beñat Rezustak buruz buruko finalerdiak jokatuko ditu bigarrenez, azkenekoz hori egin eta lau urte geroago. Bergarako (Gipuzkoa) atzelariak nagusitasun osoz irabazi zion atzo Danel Elezkanori, Idiazabalen (Gipuzkoa), final-laurdenetako lehen partidan: 22-8. Rezustak Mikel Urrutikoetxea edo Iñaki Artola izango du aurkari finalerdietan. Baikoko bi pilotariak bihar ariko dira, Bilbon.

Erakustaldia eman zuen atzo Rezustak, eta ez zion aukerarik eman Elezkano II.ari. Hankapean ibili zuen une oro. Dena egin zuen era ikusgarrian: pilota jo; gurutzatu; eta tantoa amaitu, dejadaz, hormabikoz eta boleaz. 15 egin zituen. Erne harekin. Sasoiz eta konfiantzaz lepo dago.

Gaur, beste finalerdia geratuko da zehaztuta. Final-laurdenetako bi lehia jokatuko dituzte Donostian (17:30, ETB1): Jose Javier Zabaleta, Dario Gomezen aurka; eta, Joseba Ezkurdia, Jokin Altunaren kontra. Irabazleak elkarren aurka ariko dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nerea Nevado baloiarekin, atzo, Levanteren aurka. ©Athletic

Denboraldiko lehen porrota Athleticentzat

Berria

Levantek kontrolatu du neurketa, eta Redondoren eta Mayra Rodriguezen golei esker lortu ditu hiru puntuak. 

Nerea Arruti, garaipena ospatzen. ©Idoia Zabaleta / FOKU

Nerea Arrutik eta Andoni Iruretagoienak irabazi dute Euskal Pentatloia

Edu Lartzanguren

Iruretagoiena bigarren urtez nagusitu da. Iazko irabazle Karmele Gisasola bigarren geratu da.

 ©UNAI ZABALETA

«Eibarrekin Lehen Mailara igotzea baino ez daukat buruan»

Iñaki Berastegi

Etxean bikain abiatu du sasoia Eibarrek, baina etxetik kanpo, nahi eta ezin. Arbillaren ustez, partida guztiak irabazteko «gosea» izan behar du taldeak igoeragatik borrokatzeko.
Evenepoel, bakarrik helmugaratzen. ©DEAN LEWINS / EFE

Evenepoelek irabazi du Munduko Txapelketa, modu ikusgarrian

Berria

25 kilometroz bera bakarrik aritu da ihes eginda. 2018an ere irabazi zuen lasterketa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...