Albistea entzun

Antolakunde ekologista bat eratzeko oinarriak jarri dituzte

Klima larrialdiaren inguruan indarrak eta borrokak batzea erabaki dute Ekotopaketen azken egunean, asanbladan

Berria -

2022ko urriak 4

PORTUGALETE. Hiru egunez dozenaka eragile eta norbanako elkartu dira Portugaleteko Sastraka gaztetxean (Bizkaia), Ekotopaketen harira. Igandeko asanbladan, hara bildutako eragileek bidea ireki diote indarrak bildu eta Euskal Herrian «antolakunde ekologista indartsu bat» sortzeko aukerari. Antolatzaileek baieztatu dute topaketak klima larrialdiari aurre egiteko bultzada bat izan direla eta horri jarraipena eman behar zaiola. Horregatik, antolakunde bat eratzeko aukera aztertuko dute aurrerantzean.

Azaldu dutenez, datozen hilabeteetan ekingo diote lan dinamikari, «bildutako indarrak bideratzeko». Esan dute gaur egun talde eta eragile ekologista asko daudela, baina horiek tokiko edo sektorekako proiektuen inguruan eraikita daudela. Hori dela eta, asanbladan aurkeztutako ideietako bat izan da beste lan esparru batzuetan saretzeko aukera aztertzea. Izan ere, antolatzaileek adierazi dutenez, asteburuan Ekotopaketetan izan diren 500 lagunetatik, 350 ez daude talde ekologistaren batean. Hortaz, beharrezkoa ikusten dute antolakunde bat eratzea, aniztasun horri toki bat egiteko.

«Tratu ona, errespetua eta espazio seguruak» izango dituen eredu bat aipatu dute, eta adierazi energia, burujabetza, klima larrialdia, gai sozialak eta lan munduarekin lotutako gaiak landuko lituzkeela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Idurre Eskisabel. ©Euskalgintzaren Kontseilua

Idurre Eskisabel izango da Euskalgintzaren Kontseiluko idazkari nagusi berria

Julen Aperribai

Karguan hamabi urte egin dituen Paul Bilbao ordezkatuko du Durangon, Kontseiluaren 25. urteurreneko ekitaldian. Lehentasuntzat jo du «kohesio sozialaren eta justizia sozialaren arloan» lan egiten duten eragileekin aliantzak sendotzea.

Feministalidaren hamazazpigarren edizioaren aurkezpena, gaur, Donostian ©Andoni Canellada / FOKU

‘Ahoa narras’ izenburupean egingo dute Feministaldiaren hamazazpigarren edizioa

Isabel Jaurena

Azaroaren 30etik abenduaren 3ra bitarte izanen da jaialdia, Donostiako Tabakaleran.

Donostiako geltokia, artxiboko irudi batean. Gaur zen martxan jartzekoa behin-behineko geltoki berria. ©Gorka Rubio / FOKU

Renfeko 10.000 erabiltzaileri baino gehiagori eragin die Andoain eta Irun arteko etenak

Berria

Gaur jarri dute martxan Donostiako behin-behineko geltokia, baina espero baino beranduago. 04:00 aldera ziren zirkulazioa zabaltzekoak; arazoa, ordea, 12:30erako konpondu dute.

Sanferminetako talde bortxaketaren sententziaren aurkako protesta, 2016an, Nafarroako Auzitegiaren aurrean. ©IÑIGO URIZ / FOKU

Nafarroako Auzitegiak ez ditu murriztuko sexu indarkeriagatik ezarritako zigorrak, lege berrian aplikagarri baldin badira

Ion Orzaiz

Sententziak kasu bakarrean berrikusiko dituzte atzerako eraginez: espetxeratuei ezarritako kondena handiagoa baldin bada soilik baietz da baietz legean delitu horri dagokion gehienezko zigorra baino. Beraz, Iruñeko talde bortxaketan parte hartutako zigortu batek eskatu duen zigor apaltzea ez luke onartuko justiziak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.