Presoen alde manifestatu dira ehunka lagun

Berria -

2020ko ekainak 28

IRUÑEA. Espainiako Gobernu ordezkaritzak ez zuen baimenik eman, baina Amnistiaren Aldeko eta Errepresioaren Aurkako Mugimenduak deialdiarekin aurrera jotzea erabaki zuen atzo, eta 18:15 aldera ehunka lagun elkartu ziren euskal presoen aldeko manifestazioan, Borrokak ez du etenik. Amnistia osoa! lelopean. «Patxi Ruizek gose greba bukatu zuenean esan genuen berak pasatutako lekukoa hartuko genuela», azaldu zuten deitzaileek. Espainiako Polizia alde zaharrean barreiatu zen, eta debekuaren aurrean oldarraldiak egoteko arriskua zegoen. Pankarta zabaldu eta berehala, presoak etxeratzearen aldeko oihu ozenak egin ziren, eta Errekoleta plazatik Takonerara joateko imintzioa egin. Hamar polizia inguruz osatutako lerroak ez zuen utzi, alde zaharrera zuzendu ziren manifestariak, orduan.

Bostehundik gora lagun elkartu ziren protestan. poliziek borrak eta kaskoak zeramatzaten arren, ez zen istilurik izan, azkenean. AEM mugimenduak argudiatu zuen herriak ez diola inori baimena eskatu behar, eta herri mugimendua goretsi zuen, azken egunetan faxismoaren aurrean erakutsitako jarrera «eredugarriagatik»: «Debeku guztien gainetik faxismoaren aurka gaude».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Suediako Karolinska Ospitale Unibertsitarioaren kanpoaldean larrialdietarako denda bat, martxoan. ©ANDERS WIKLUND / EFE
Bi lagun, terraza batean eserita, Orion. ©JON URBE / FOKU

Nork agindu tabernetan

Aloña Beraza Peña Irati Urdalleta Lete

Ordiziako taberna batetik zabaldutako fokuak piztu ditu alarmak aste honetan. Su gehiago ere ari dira pizten, Tuteran, Gasteizen... Tabernariak eta kudeaketan dabiltzanak kezkatuta daude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna