KABUL. Afganistango hiriburuko eskola batean eraso bat egin zuten atzo, eta gutxienez hemeretzi lagun hil eta 30 zauritu zituzten, gehienak neskak. Lekukoak aipatuz Efe berri agentziak azaldu zuenez, erasotzaileak bonba batzuk zartarazi zituen eraikinean, eta Kabulgo Poliziaren bozeramaile Khalid Zadranek gerora baieztatu zuen eraso suizida bat izan zela.
Talibanen gobernuak berehala gaitzetsi zuen erasoa, eta «izugarrikeriatzat» jo zuen; zehazki, Zabiullah Mujahid bozeramaileak esan zuen erasotzaileak «atxilotu eta zigortuko» dituztela ahalik eta azkarrena. Nazioartean ere hainbat herrialde eta erakunde kritiko agertu ziren gertaturikoarekin; Unicef Haurren Laguntzarako Nazio Batuen Funtsak, esaterako, adierazi zuen «atsekabe sakona» eragin ziola gertaturikoak, eta Ameriketako Estatu Batuen enbaxadak «lotsagarritzat» jo zuen ezbeharra.
Lerro hauek idazterako, inork ez zuen bere gain hartu gertaturikoa, baina eraso suizida bat izateak Estatu Islamikoan jarri du arreta.
Afganistanen hemeretzi lagun hil dituzte
Iruzkinak
Ez dago iruzkinik
Ordenatu