IRUĂ‘EA. Nafarroako Parlamentuak, aho batez, lege aldaketa bat onartu zuen atzo, Arartekoak berarekin kolaboratzen ez duten administrazio publikoei isunak jartzeko gaitasuna eduki dezan. Ekinbide legegilea talde parlamentario guztiek sinatu zuten, Javier Eneriz arartekoak eginiko eskaerari erantzunez.
Izan ere, Enerizek berak hainbat aldiz salatu izan du zenbait erakunde publikok ez dietela Arartekoaren informazio eskaerei erantzuten, eta onartu berri den aldaketak hori zigortzeko aukera emango dio. Hain zuzen, hemendik aurrera, 1.500 eurorainoko isunak jarri ahal izango ditu, eta, arau hausteak konpondu bitartean, hogei egunetik behin isunak berrezartzeko gaitasuna izango du ere. Gainera, betebeharrak betetzen ez dituzten erakundeen jarrerak bere webgunearen, hedabideen eta txostenen bidez jendaurrean salatu ahal izango ditu Arartekoak.
Nafarroako Arartekoak isunak jarri ahalko ditu
Iruzkinak
Ez dago iruzkinik
Ordenatu