Noiz sortua: 2019-03-23 00:30:00

Nafarroako aldaketan «sakondu» nahi du Sortuk

Eskuineko indarrak «eskutik helduta» aurkezteak erakusten du «urduri» daudela, Sorturen irudiko
Romeo eta Rodriguez, atzo.
Romeo eta Rodriguez, atzo. BERRIA Tamaina handiagoan ikusi

Berria -

2019ko martxoak 23

IRUÑEA. Sortuk uste du «aldaketan sakontzea» eta «aldaketa prozesu subiranista bilakatzeko moduak bilatzea» direla Nafarroaren «erronka nagusiak» datozen asteetan irekiko den hauteskunde zikloan. Hori azaldu dute Sortuko idazkari nagusi Arkaitz Rodriguezek eta Nafarroako koordinatzaile Haritz Romeok. Kolpez kolpe izeneko dokumentua aurkeztu dute, eta horren ildo nagusiak azaldu dituzte; betiere, «erregimena erautsi eta sistema demokratikoagoa eta bidezkoagoa» eraikitzea xede.

1978ko erregimen «postfrankista, unionista, neoliberal eta patriarkala» sustatzen duten eliteak «urduri» daude, Sorturen iritziz, galdutako esparrua kosta ahala kosta berreskuratu behar dutela ikusten dutelako. Horregatik, eskuineko indarrak «eskutik helduta» joango dira hauteskundeen aurrean. Hori ikusirik, agintaldi honetan lorturiko «aurrerapen» guztiak defendatu behar direla uste dute Sortukoek.

Hala ere, Sortun pentsatzen dute aldaketa ez dela nahi beste aitzinatu «batez ere, Geroa Baik jarritako galgagatik». Haien ustez, aldaketak «harago» joan behar du, eta «ezkerreko subiranismoa indartzea» da hori bermatzeko modurik onena. «Oraindik asko falta da egiteko», azaldu dute.

«Beharrezkoa da kalean egotea, mobilizazioa, ideien arteko talka», esan dute, baina «instituzioetan eta hauteskundeetan ere» borroka egitea beharrezkoa dela deritzote.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna