Euriborra inoiz baino gehiago igo da

BILBO. Hipotekaren kuota eguneratzeko azaroko Euriborra erreferentzia gisa dutenek inoizko igoerarik handiena izango dute: %2,828an kokatu da Hego Euskal Herriko hipoteka gehienek erabiltzen duten indizea. 3,315 punturen aldea dago iazko azaroko erreferentziatik —%-0,487an zegoen—, eta hori sekula ikusitako saltorik handiena da. Hegoaldean, 166.000 eurokoa da batez besteko hipoteka, eta ohikoena da Euriborra gehi %1eko interesa aplikatzea. Hori kontuan hartuta, hileko kuotak 588 eurotik 861 eurora igoko lirateke: 273 euro gehiago batez beste.

Euriborrak inoiz ikusi gabeko igoera izan du aurten. Urtarrilean negatiboan zegoen, baina ordutik etenik gabe egin du gora. Aurreko hilabeteekin alderatuta, azaroan eta urrian pixka bat moteldu da. Europako Banku Zentralak inflazioari aurre egitearreninteres tasak igotzeko hartutako erabakiak baldintzatu du Euriborraren bilakaera, eta litekeena da gorantz jarraitzea. Horrek zuzenean eragin du hipoteka berrien kopuruan. Urtearen lehen erdian, iaz baino %9 gehiago sinatu ziren, baina uztailetik irailera %0,2koa izan da igoera.