Sei film izango dira 36. Zinema Eraikitzen atalean

ZINEMA. Sei opera prima aukeratu dituzte Donostiako Zinemaldiko 36. Zinema Eraikitzen atalerako. 185 ekoizpen aurkeztu dira guztira Latinoamerikako zinema sustatzea helburu duen egitasmo horretara. Irailaren 23an, 24an eta 25ean izango da ekitaldia, eta aukeratutako sei filmak aurkeztuko dira bertan: Agustin Bancheroren Las vacaciones de Hilda, Angeles Cruzen Nudo Mixteco, Joan Gomezen El árbol rojo, Madiano Marchetiren Madalena, Mauricio Osakiren Os caminhos do meu pai eta Fernanda Valadezen Sin señas particulares. Horrez gain, Donostiako eta Tolosako (Okzitania) Zinema Eraikitzen jardueretan aurkeztutako lau film izango Zinemaldian: Armando Caporen Agosto, Lucia Garibaldiren Los Tiburones, Sebastian Muñozen El Príncipe eta Jorge Riquelmeren Algunas bestias. Azken hori Zuzendari Berriak sailean ariko da; beste hirurak, berriz, Horizontes Latinosen.