Migratzaileen eskubideen alde kalean lo egingo dute bihar
Zazpi udalerritan egin dute deia, hemen bizi edo aldi baterako daudenen eskubideak bermatzeko eskatzeko
DONOSTIA. Bihartik etzirako gauean kalean lo egiteko deia egin dute hainbat kolektibok, Eusko Jaurlaritzari eta Nafarroako Gobernuari eskatzeko Euskal Herrian bizi diren edo aldi baterako bertan dauden migratzaileen eskubideak berma daitezela. Hego Euskal Herriko zazpi udalerritako eragileek egin dute bat deialdiarekin oraingoz, eta atzerritarrei buruzko legedia gogor salatu dute, uste baitute arrazakeria instituzionalaren adierazpen gorena dela: «Milaka pertsonari beren bizi proiektuak garatzea galarazten diete, eta irregulartasunera kondenatzen dituzte». Bihar, beraz, Donostian, Iruñean, Gasteizen, Barakaldon, Irunen eta Artea-Igorren egingo dute egitasmoa. Lotarako orduaren aurretik, kalejirak eta bestelako jarduerak egingo dituzte leku gehienetan, eta mikrofono ireki bat egongo da testigantzak plazaratzeko.
Iruzkinak
Ez dago iruzkinik
Ordenatu