Laso-Imaz eta Peña II-Eskiroz arituko dira gaur, Hendaian

Lasok eta Imazek lau garaipen daramatzate jarraian, eta Eskirozek bigarrenez hartuko du Mariezkurrenaren tokia

Unai Laso eta Jon Ander Peña joaneko partidan. JON URBE/FOKU Tamaina handiagoan ikusi

2023ko urtarrilak 27

PILOTA. Hendaian (Lapurdi) hasiko da, gaur, Binakako Txapelketako hamargarren jardunaldia. Laso-Imaz eta Peña II.a-Eskiroz arituko dira nor baino nor, bi bikoteek azken partidak irabazi ostean. Bien artean bi garaipenen aldea besterik ez dago, baina helburu desberdinekin ari dira lehian gaur-gaurkoz. Lasok eta Imazek bi puntura dituzte Elordi-Zabaleta liderrak, eta azken lau partidak jarraian irabazita, lehen postu horrekin amets egiten dute oraindik.

Hala ere, aurkariek ere bigarren garaipena lortu nahi dute erreskadan. Mariezkurrenak min hartuta jarraitzen du, eta gelditzea erabaki du. Haren ordez Eskiroz arituko da, iragan asteburuan egin zuen bezala. Baikok beste aukera bat eman dio Etxebarrin (Bizkaia) ondo aritu ondoren —22-15 hartu zituzten mendean Jaka eta Aranguren—, eta laugarren garaipena lortu zuten. Hala ere, tentuz ibili beharko dute, zazpigarren postua bi puntura baitaukate oraindik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut