Espainiako Senatuak ez du ikertuko Felipe Gonzalez

Uko egin dio ikerketa batzorde bat sortzeari presidente ohiak GALen sorreran zer ardura izan zuen argitzeko

Berria -

2020ko uztailak 1

MADRIL. Espainiako Kongresuak iragan astean uko egin zion. Senatuak, atzo: erakunde horretako Mahaiak uko egin zion ikerketa batzorde bat sortzeari Felipe Gonzalez Espainiako presidente ohiak GALen izandako ardura argitzeko. PSOEk eta PPk atzera bota zuten EAJk, EH Bilduk, ERCk, JxCk eta Ezker Konfederalak babestutako eskaera, eta ez zuten tramiterako onartu.

Gonzalezek GALen sorreran eta bilakaeran izandako ardura albiste bihurtu da berriro, Ameriketako Estatu Batuetako Inteligentzia Agentzia Zentralaren (CIA) agiri batzuetan agertu baita. «Felipe Gonzalezek mertzenario talde bat sortzea erabaki du, terroristei legez kanpo aurre egiteko», diote, besteak beste, agiriek. 1984an idatzitako agiriak dira, 2011n desklasifikatuak.

Espainiako Kongresuan erabilitako argudio bera erabili zuten atzo Senatuan ere, ikerketa batzordea sortzeko eskaera atzera botatzeko: jada ikertutako eta epaitutako gertakariak direla. Kasu bakan batzuk baino ez zituzten epaitu, eta Felipe Gonzalez ez zegoen tartean.

Arrazoi horrez gain, Cristina Narbona Senatuko lehen presidenteordeak beste bat aipatu zuen atzo: Senatuak 1995ean batzorde bat sortu zuela Felipe Gonzalezen ardurak argitzeko —Gonzalez Espainiako presidentea zen orduan—. Narbonak atzo ez zuen azaldu, ordea, 1995ean Senatuan batzordea sortu zutela, baina handik aste gutxira desegin zutela, ia lanik egin gabe eta, jakina, ondoriorik atera gabe.

«Ez da praktika egokia, printzipioz, ganbera hau aurreko gobernuak epaitzeko erabiltzea, gobernuan dagoena dagoela», Narbonaren iritziz. Norbaitek erantzukizun politikoak nahi izatekotan PSOEk 1996ko hauteskundeak galdu zituela nabarmendu zuen Narbonak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Suediako Karolinska Ospitale Unibertsitarioaren kanpoaldean larrialdietarako denda bat, martxoan. ©ANDERS WIKLUND / EFE
Bi lagun, terraza batean eserita, Orion. ©JON URBE / FOKU

Nork agindu tabernetan

Aloña Beraza Peña Irati Urdalleta Lete

Ordiziako taberna batetik zabaldutako fokuak piztu ditu alarmak aste honetan. Su gehiago ere ari dira pizten, Tuteran, Gasteizen... Tabernariak eta kudeaketan dabiltzanak kezkatuta daude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna