Gernikak, Bilbok eta Baskoniak irabazi egin dute

Fontechio, airean, atzo. R.BOGAJO /FOKU Tamaina handiagoan ikusi

2022ko apirilak 14

SASKIBALOIA. Euskal Herriko bost taldeek jokatu zuten atzo, eta hiruk lortu garaipena. Ohorezko Mailan, Lointek Gernikak Leganesi irabazi zion (59-65), eta, bi partida falta zaizkiola, kanporaketak jokatzeko lekuan dago oraindik ere, zortzigarren. ACB ligan, atzeratutako 19. jardunaldian, gozamen handia hartu zuten Miribillan Surne Bilbo Basketeko zaleek, Real Madril ahaltsua menderatu zuelako taldeak (79-67). Bitci Baskoniak ere garaipena eskuratu zuen etxean, Murtziaren aurka (93-83). Zazpigarren da orain, eta sendotu egin du kanporaketak jokatzeko aukera, aurkari asko baldin baditu ere.

Denek ezin irabazi, ordea. Galtzaileen aldean IDK Euskotren eta Kutxabank Araski geratu ziren. Donostiarrek Kanaria Handiaren pistan galdu zuten (67-58), baina partida bat falta zaie ligaxka amaitzeko, eta titulurako kanporaketa jokatuko dute. Bosgarren geratzea bermatu behar dute orain. Araski batere aukerarik gabe geratu da jardunaldi bat falta zaiola, galdu egin baitzuen Ensino aurkari zuzenaren aurka (59-90).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut