Rodrigo Dutertek alde handiz irabazi ditu Filipinetako presidentetzarako bozak

MANILA. Rodrigo Dutertek irabazi ditu presidentetzarako hauteskundeak Filipinetan, Mar Roxas Barne ministroari ia sei milioi botoren aldea aterata. Atzo iluntzean botoen %88 zituzten zenbatuak, eta Duterteren garaipena baieztatu zen horrela. Kanpainan asko polarizatu da hautagai horrekiko iritzia, besteak beste, delitugileak unean bertan exekutatzearen alde agertu delako. Benigno Aquino oraingo presidenteak egotzi dio «diktadurara itzuli» nahi izatea.