PARIS. Olivier Veran Frantziako Osasun ministroaren arabera, txertoaren laugarren dosia jartzea «ez da beharrezkoa», eta zehaztu du 80 urtetik gorakoentzat ere ez dela beharrezkoa. Herenegun, prentsaren aurrean esan zuen «oraingoz» ez duela beharrezkoa ikusten. Izan ere, argudiatu zuen orain arte erabilitako txertoa COVID-19aren lehen aldaerei aurre egiteko egina dagoela, eta, beraz, aldaera berriei aurre egiteko beste txertoen «beha» egon behar dela, laugarren dosia egin behar den erabakitzeko. «Laugarren dosia egiteko galdea heldu bada, heldu den udazkenean, adibidez, beha egon beharko dugu egokiago den txertorik ba ote den. Laborategi batzuk horretarako lanean ari dira», segurtatu zuen.
Veranek esan zuen Frantziako bi herritarretik batek pasatu duela gaitza, omikron aldaerarekin. Horiek horrela «txertaketa nekea» egon daitekeela esan zuen, herritarrek «ez dutelako dosiak bata bestearen atzetik jartzen aritu nahi».
Italian, berriz, laugarren dosia jartzeari ekingo diote martxoaren lehenetik goiti. Oraingoz, herritar zaurgarriei baizik ez diete jarriko indartze dosi hori.
Koronabirusa
Laugarren dosia «ez da behar», Veranen ustez
Iruzkinak
Ez dago iruzkinik
Ordenatu