Albistea entzun

Koronabirusa

Lopez Acuñaren ustez, epe motzean hirugarren dosirik ez

Epidemiologoak uste du talde immunitatea ez dela lortuko herritarren %85-90 txertatuta egon arte

Berria -

2021eko uztailak 25

BILBO. Daniel Lopez Acuña epidemiologoak eta OMEko Krisi Egoeretarako Ekintza arduradun ohiak esan du gaur-gaurkoz ez dagoela ebidentzia zientifiko sendorik baieztatzeko epe motzean hirugarren txertoa hartu beharko denik, eta ezta urtero txertatu beharko denik ere. Espainiako Osasun Ministro Carolina Dariasek ostiralean esan zuen «ziurrenik» hirugarren dosia beharko zela, eta, Lopez Acuñaren ustez, Darias aurreratu egin zen baieztapen hori egitean: «Oraingoz, farmazia enpresek baino ez dute egiten hirugarren dosiaren alde». Bosgarren olatuak ez du harritu, baina uste du azkarregi lasaitu direla neurriak, «birusaren aldaera erasokorragoak» daudelako eta oraindik herritar asko txertatu gabe daudelako: «Txertoa ez da nahikoa, intzidentzia gutxituko duten neurriak ere behar baitira, eta neurri horiek murriztaileak izan behar dute». Talde immunitatea, berriz, herritarren %85-90 bat txertatuta egon arte ez da lortuko, haren iritziz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ibaetako Campusean duela hilabete batzuk egindako manifestazioa. ©GORKA RUBIO/FOKU

EHUk espediente informatibo bat zabaldu dio eraso sexista batengatik salatu duten irakasleari

Berria

Arkitektura Fakultateko irakasle batek ikasleei eraso sexista bat egin ziela salatu dute UIB Unibertsitateko Indar Batasunak eta Arrakala emakume taldeak. Gertakariari buruzko «informaziorik» ez ematea leporatu diote EHUri.

Ziudadelaren barnaldea, asteazkenean. ©BERRIA

Hipika txapelketa bukatu eta hilabete eta erdira, Iruñeko Ziudadela hondarrak hondatua dago oraindik

Uxue Rey Gorraiz

Iruñeko Udalak antolaturiko hipika txapelketak irailaren 12an izan zuen azken eguna. Ordea, txapelketarako erabilitako Ziudadelako zuloguneak hareaz beteak dira oraindik. Navarra Sumak salbu, udaleko talde politikoek adierazpen bat onartu dute eremua berehala egokitu dadila eskatzeko.

Arabako, Bizkaiko eta Gipuzkoako erakundeetako arduradunak izan dira BECen, gaurko aurkezpenean ©Irekia

Zaintza ereduaren «paradigma aldaketa» jaso du Jaurlaritzaren estrategia soziosanitario berriak

Edurne Begiristain

2021-2024 aldirako estrategia soziosanitarioa aurkeztu dute Arabako, Bizkaiko eta Gipuzkoako instituzio nagusiek. Besteak beste, «adinekoak beren etxean edo etxe baten antzekoak diren zentroetan» bizitzea sustatuko dute.

Aste honetan Haurrak Bai-k deituta Ataungo Joxemiel Barandiaran herri ikastetxean egin duten eserialdia. / ©Goierriko Hitza

Jolasgaraian 12 urtetik beherakoak maskara janztera derrigortzen dituen aginduari eutsiko dio Jaurlaritzak

Jon Ordoñez Garmendia

Gotzone Sagarduik argudiatu du haurrak babesteko neurri bat dela, eta esan du gaur egungo egoera ez dela ona.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.