BILBO. 2020ko martxoan Abanton (Bizkaia) emaztea eta alaba hiltzeaz akusatutako gizonaren aurkako epaiketa hasiko da gaur Bilbon, atzo herri epaimahaiko kideak hautatu ostean. Fiskaltzak 47 urteko espetxe zigorra galdegin du harentzat: 24 urte emaztea hiltzeagatik, eta 23 alaba hiltzeagatik; azpikeria, ahaidetasun eta genero larrigarriak ezartzea eskatuko du. Akusazio partikularrak, berriz, 25 urteko kondena galdegin du hilketa bakoitzagatik.
Etxean aurkitu zituzten hilda ama-alabak, 2020ko martxoaren 11n, indarkeria zantzuekin; 54 urte zituen Miren Urangak, eta 24 Paola Mendezek. Ertzaintzak Portugaleten (Bizkaia) aurkitu zuen ustezko hiltzailea, trasteleku batean, botika batzuk hartuta; 60 urte zituen gizonak orduan. Fiskaltzaren arabera, kolpeka eta labankadaka hil zituen.
47 urteko eskaria ama-alabak hiltzea egotzita
Iruzkinak
Ez dago iruzkinik
Ordenatu