TXIRRINDULARITZA. Hasi da Espainiako Txapelketa Mallorcan (Herrialde Katalanak), eta euskal txirrindulariak hasi dira uzta biltzen. Erlojupekoak jokatu zituzten atzo, eta euskal ordezkariek hiru domina eskuratu zituzten. Idoia Eraso iruindarrak urrea irabazi zuen 23 urtez azpikoan. 11. postuan sailkatu zen proban, baina haren aurreko guztiak maila nagusikoak izan ziren: Ziortza Isasi bosgarren izan zen, eta Lourdes Oiarbide, seigarren. Mavi Garcia etxeko txirrindularia nagusitu zen.
Oier Lazkano gasteiztarrak eta Xabier Mikel Azparren donostiarrak lortu zituzten beste bi dominak: zilarra eta brontzea, hurrenez hurren. Raul Garcia Pierna espainiarrak irabazi zuen; hamabost segundo atera zizkion Lazkanori, eta 23 Azparreni.
Gaur, emakumeen bi mailetako eta gizonen 23 urtez azpiko errepidekoak jokatuko dituzte.
Erlojupekoaren uzta: urre, zilar eta brontze bat
Iruzkinak
Ez dago iruzkinik
Ordenatu
