Zubietako erraustegiak Arkaitzerrekan «ezer isuri» duela ukatu du GHK-k

USURBIL. Gipuzkoako Ingurumen Probintzia Auzitegiko fiskalburuak ikerketa bat abiarazi du, uztailaren 13tik Arkaitzerreka berriz ere kutsatuta dagoen argitzeko. Usurbilgo Udalak eta Errausketaren Aurkako Mugimenduak agindutako ikerketa baten arabera, amonio eta kloruro poluzio handia topatu dute. Gipuzoako Hondakinen Kontsortzioak berretsi du egunero hartutako ur laginetan ez dela «ezer isuri». «Analisien arabera, aipagarria da egoera biologikoa beheko uretan goiko uretan baino hobea dela». Egoeraren jatorria ere ikertu dute, eta aipatu dute alde hartan «betelanak eta lur mugimenduak» egin direla.