Herri Dirubideen Euskal Kontseiluak funts bat sortuko du larrialdietarako

GASTEIZ. Herri Dirubideen Euskal Kontseiluak erakunde arteko larrialdi funts bat sortzea erabaki du. Kontseilua Jaurlaritzak, hiru diputazioek eta Eudelek osatzen dute, eta lantalde bat eratu dute funts horren zenbatekoa kalkulatu eta zer kasutan erabili zehazteko. Atzo bildu ziren kide guztiak Zaldibarko kasua aztertzeko, eta Pedro Azpiazu ekonomia sailburuak esan zuen «faktura guztiak» gordeko dituztela, etorkizunean kalte-ordainak eskatzeko aukera badago haiek erreklamatu ahal izateko.