CCOOk eta UGTk gobernu «aurrerakoi» eta «ezkerrekoa» eskatu diote Sanchezi

BILBO. Sindikatuek kalean egindako mobilizazioen indarra eta politika atzerakoiak aldatzeko ireki den abagunea nabarmendu zuten atzo Loli Garcia Euskadiko CCOOko idazkari nagusiak eta Raul Arza UGTkoak, hurrenez hurren. Garciak Sanchezi eskatu zion gobernu «aurrerakoi» bat osatzeko, eta horretarako Ciudadanosekin akordioa egitea ez litzatekeela «agertoki ona». Arzaren ustez, Sanchezek «ahalik eta lasterren» lortu beharko luke akordio bat, eta «ezkerretik egindakoa» izan beharko luke.