ISLAMABAD. Saioa hasi eta hamahiru ordura, Pakistango Asanblea Nazionalak Imran Khan lehen ministroaren kontrako zentsura mozioa bozkatu zuen, atzo, eta diputatuen gehiengoa horren alde agertu zen. Erabaki horrekin, printzipioz, ordezkari politikoek amaiera eman diote hilabete inguru iraun duen krisiari.
Egun luzea izan zen atzokoa Pakistanen, Asanblea Nazionaleko presidente eta Khanen aliatu Asad Qaiserrek behin eta berriz atzeratu baitzuen bozketa, hainbat arrazoi argudiatuta; tartean, lehen ministro zenaren alderdiak Auzitegi Gorenaren erabakia berriz aztertzeko eskaria argudio hartuta —saioa egiteko agindu zuen—. Halere, oposizioa presio egiten aritu zen egun osoan zehar, eta, azkenean, Qaiserrek dimisioa eman behar izan zuen. Horren ondoren ekin zioten bozketari.
Khanen jarraitzaileak kalera ateratzekoak dira gaur protesta egitera eta agintari ohiari babesa helaraztera.
Khanen kontrako zentsura mozioa onartu dute
Iruzkinak
Ez dago iruzkinik
Ordenatu