Asironek indarkeria matxistaren biktimak babesteko asmoa azaldu du

IRUÑEA. Joseba Asiron EH Bilduren Iruñeko alkategaiak indarkeria matxistaren biktimak babesteko konpromiso irmoa azaldu du. Haren esanetan, lehentasunezkoa da arretarako baliabideak sendotzea, eta babesa «muturrera» eramatea. Prebentzioaren arloan, gazteei eta adingabeei arreta berezia eman behar zaiela uste du. «Berdintasunaren printzipioak gure egitaraua zeharkatzen du, eta esparru guztietan markatuko du gure jardun politikoa».