CINTRUENIGO. Istripu larria gertatu zen atzo Cintruenigon (Nafarroa), N-113 errepidean. Ondorioz, bi pertsona hil ziren, haietako bat adingabea; eta beste bi pertsona larriki zauritu ziren. Poliziak ez du jakinarazi istripuaren nondik norako zehatzik; soilik arratsaldeko 16:45etan gertatu zela. Hildako adinduna ezbeharraren lekuan bertan zendu zen; adingabea, aldiz, bizirik zegoen oraindik topatu zutenean. Helikopteroz eraman zuten Tuterako (Nafarroa) ospitalera, baina bertan hil zen ordu gutxira, istripuak eragindako zaurien ondorioz.
Zauritutako beste bi bidaiariak ere helikopteroz eraman dituzte Zaragozako (Espainia) erietxe batera. Erreskate lanetan Tuterako zein Errioxako suhiltzaileek hartu dute parte.
Bi lagun hil dira Cintruenigon, istripuan
Iruzkinak
Ez dago iruzkinik
Ordenatu
