Albistea entzun

Feministok Prest, gertu zita «historiko baterako»

Azken asteetan ehunka atxikimendu jaso ditu apirilaren 9an Gasteizen indarkeria matxisten aurka egingo den manifestazio nazionalak
IÑIGO URIZ / ARGAZKI PRESS

Jon Rejado -

2016ko apirilak 2 - Gasteiz

Apirilaren 9an, mugimendu feministarentzat «historikoa» izango den manifestazio batek Gasteizko kaleak hartuko ditu. Feministok Prest indarkeria matxistaren aurkako plataformak hainbat lan egin ditu azken asteetan, eta, gaur zortzi, lan hori guztia agerian utziko dute. Manifestazioa 13:00etan hasiko da, Bilbo plazan.

«Jendartearen zati handi batek konpromisoa hartua du indarkeria matxisten aurrean erantzuteko», hausnartu du Nahike Bengoak atzo egindako agerraldian. Konpromiso hori, besteak beste, azken asteetan jasotako atxikimenduetan antzeman dutela jakinarazi du Bengoak. Euskal Herriko eta nazioarteko 255 eragilek babesa eskainia diote manifestazioari. Mila norbanakok baino gehiagok atxikimenduak jasotzeko orrietan izena eman dute, eta beste 500ek baino gehiagok argazki bat jarri dute sare sozialetan Feministok Prest! afixarekin.

Antolatzaileek orain arte jasotako erantzuna nabarmendu dute, eta azken astean atxikimenduak eta parte hartzea handitzeko deia zabaldu dute. «Asko gara, eta gehiago izango gara!», iragarri du Bengoak.

Bestalde, indarrak bildu ez ezik, administrazioko ordezkariekin ere bildu dira mugimendu feministako ordezkariak, Feministok Prest egitasmoaren harira. Bilera horietan administrazioek indarkeria matxistei aurre egiteko zenbait konpromiso hartu zituztela oroitarazi dute, eta gaur-gaurkoz ez dituztela bete ondorioztatu dute. Besteak beste, behar beste baliabide bideratu ez izana leporatu diete, eta hitzartutakoa betetzen dutela gainbegiratuko dutela gaineratu dute.

Egun bete ekitaldi

Manifestazioaz gain, hamaika ekitaldi egongo dira hirigunean, 11:30etik iluntzera arte. «Apustu handia egin dugu apirilaren 9koa manifestazio soil bat ez izateko», zehaztu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Biktimaren senarraren autoa, istripua izan eta gero, La Vila Joiosan (Herrialde Katalanak). ©Alacanteko suhiltzaileak

Zarautzen bizi izandako emakume baten hilketa matxista ikertzen ari dira Benidormen

Berria

68 urte zituen biktimak. Benidormen zuen etxean topatu du Poliziak, harengana joan denean esatera senarra auto istripu batean hil zaiola. Gorpuak indarkeria zantzuak zituen, eta senarra da susmagarri nagusia.

Ezkerretik eskuinera, Mitxel Lakuntza ELAko idazkari nagusia, Paul Bilbao Euskalgintzaren Kontseiluko idazkari nagusia eta Garbiñe Aranburu LABeko idazkari nagusia, gaur goizean. ©Aritz Loiola / FOKU

Kontseiluak, ELAk eta LABek 15 urtean euskaldunduta nahi dute Araba, Bizkai eta Gipuzkoako administrazio publikoa

Julen Aperribai

Bederatzi ekarpen egin dizkiote administrazioan euskararen erabilera arautuko duen dekretuari. Derrigortasun indizearen sistema «gainditzea», euskarazko zirkuituak sortzea eta langileen «egonkortasuna» bermatzea daude horien artean.

Adingabeen Sansoheta zentroa. ©Juanan Ruiz / EFE

Hamahiru urterainoko zigorrak onartu dituzte adingabeei sexu abusuak egiteaz akusaturikoek

Edurne Begiristain

Hasi da Sansoheta zentroan Arabako Foru Aldundiaren zaintzapean zeuden adingabeak prostituitu zituen sare bateko ustezko kideen aurkako epaiketa. Lauk egin dute akordioa fiskaltzarekin; hamar dira denera.

Frantziako Polizia Angelun (Lapurdi), artxiboko irudi batean. ©Jagoba Manterola / Foku

Donibane Lohizunen 24 urteko gazte bat hil da auto istripuz

Berria

23 eta 25 urteko beste bi lagun egoera larrian ospitaleratu behar izan dituzte. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.