Estatu Kontseilura eramanen dute kantonamenduen mapa
Nire Kantonamendua eta Baserri Munduak Ez Hunki elkartea sortu dute Euskal Herriko eta Biarnoko hautetsi batzuk, kantonamenduen mapa berriaren aurka borrokatzeko. Xedea Frantziako Konstituzioaren aurka doala erranik, Estatu Kontseilura eramanen dute afera. Diotenez, lurraldeen arteko berdintasuna eta zuzentasuna ez dira errespetatuak.Mobilizazioari lotzeko deia luzaturik dute herritarrei guztiei. Besteak beste, haiek ere gaia eramanez Estatuaren Kontseilura. Haserrea eragin du prefetak marraztu kantonamenduen mapa berriak, Ipar Euskal Herriaren muga historikoak zangopilatzen dituelako, Biarnoaren eta Nafarroa Beheraren arteko kantonamendu bat sortuz.
Iruzkinak
Ez dago iruzkinik
Ordenatu