Albistea entzun

ZUZENDARIARI

Ama kementsu batentzat

Nerea Aia Lopez de Foronda - SATSE Euskadiko Berdintasun Batzordea

2020ko azaroak 25

Minarekin bizitzen ikas daiteke? Zer leku hartzen du itxaropenak oinazerik sakonenean?

Asun, ezin izan dut proiektatu zure minaren arrazoia. Ezin dut zenbatu, ez baloratu ere. Esperientzia indibidual baten barruan kokatzen da, eta berekoia ere irudituko litzaidake zure izenean azaltzea. Ezin dut hitz egin, eta ez dut nahi, zure minaz. Baina zure itxaropenarekin saiatu naiz.

Emakumeen Aurkako Indarkeria Ezabatzeko Nazioarteko Eguna da gaur. Beharrezkoa da egun honen garrantzia azpimarratzea, osasun publikoko arazo bati buruz ari baikara. Oinarrizko askatasunen arazoa. Giza eskubideen arazoa. Justiziaren eta etika sozialaren arazoa. Hezkuntza eta kultura arazo bat. Gizarte osoaren arazoa.

Biktima baten oroitzapena ohoratzeko asmo bakarrarekin, mundu mailako arazo bat pertsonalizatuko dut.

Nagore Laffage 2008ko uztailaren 7an hil zuten; hilketa matxista bat. Krimena basatia izan arren, ez zenuen hitz txar bakar bat esan zure alabari bizia kendu zion pertsonari buruz. Eta horrek goratu egiten zaitu.

Gazteenak berdintasunean hezteak duen garrantziaz kontzientziatzen ematen duzu denbora. Eta mundu justuago batean hazteko itxaropena ematen diezu.

Entzun dizugu mina eta itxaropena ez direla kontrako hitzak.

Auzitegietan erantzun beharreko galdera neurrigabea kontatu zenuen, zure alaba amodiotsua ote zen. Jarraian, gizartearen aurrerapenaz konbentzitu gintuzun, egoera hori gaur egun pentsaezina izango litzatekeela argudiatuz. Kaleetara irteteak duen garrantzia defendatu duzu, gurea dena aldarrika dezagun. Mobilizazioaren tamaina. Protesten neurria.

Ez duzu uste gizarteak ezer zor dizunik. Eskertuta sentitzen zara. Eta gu guztiok, ordea, beti egongo gara zorretan zurekin.

Esan zenidan geure burua baloratzen ikasi behar genuela, maitatzen eta errespetatzen. Merezi genuen garrantzia emateko elkarri. Eskerrik asko, bihotzez, Asun. Ama izango zara beti. Eta adorea.

Nagore erizain zoragarria izango zen.

Egun hau kontuan hartzeko hainbat arrazoi ditugu, non ez dudan azalpen bakar bat aurkitzen. Bat gehiago ere ez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...