Albistea entzun

Nguesso ziur da Kongoko Errepublikako bozak lehen itzulian irabaziko dituela

Sei presidentegaik hauteskundeak oztopatzeko deia egin diete jarraitzaileei, iruzurra izango delakoan

Leire Ventas -

2009ko uztailak 12

Kongoko Errepublikako presidentea, Denis Sassou Nguesso, ziur baino ziurrago dago gaurko bozak irabaziko dituela. Eta, hala, 25 urteko agintea beste zazpiz luzatuko duela. Hala adierazi zien herenegun Brazzaville hiriburuan hauteskunde aurreko azken mitina entzutera heldu ziren milaka jarraitzaileei: «Zalantzarik gabe, lehen itzulian jada nirea izango da garaipena».

Nguessoren iragarpena bete egingo dela diote beste hamabi presidentegaiek ere. Eta ez oposizioa ezin zatituagoa dagoelako, iruzurra izango den dudarik ez dutelako baizik. Haien arabera, horixe bera gertatu zen 2002an. Nazioarteko begiralerik gabeko hauteskunde haietan Nguessok botoen %89,41 eskuratu zituen, datu ofizialen arabera. Antzekoak izan ziren 2007ko Legebiltzarrerako bozetako eta iazko udal hauteskundeetako emaitzak ere. Biak ala biak estatuburuaren taldeak, PCT Kongoko Langileen Alderdiak, alde handiarekin irabazi zituen. Hori hala, hautagaietatik seik bozei boikota egiteko eskatu diete jarraitzaileei.

Bestelako irregulartasunak ere salatu dituzte. Irabazteko aukera handien zuen hautagaiari bozetara aurkeztea galarazi izana, esaterako. Ekainaren 18an Auzitegi Konstituzionalak atzera bota zuen Ange Edouard Pounguiren hautagaitza, baldintzak ez betetzeagatik. Joan deneko bi urtean ez dela herrialdean bizi izan argudiatu zuten epaileek.

Orain Mathias Dzon du aurkari nagusia Nguessok. Finantza ministroa izandakoa da. Eta abenduan BEAC Afrikako Erdialdeko Estatuen Banku Zentraleko zuzendari nazional kargua utzi zuen, presidentegai izateko. ADR Demokraziarako eta Errepublikarako Aliantza ordezkatuko du bozetan. Demokrazia irmotu eta ekonomia suspertuko duela agindu du Dzonek. Herrialdeak petrolio ugari du, baina kongoar gehienak pobreak dira. Itxura guztien arabera, ordea, Dzonek ez du zeregin handirik izango Nguessoren kontra.

Nguesso, gerrako jauna

Karrera politikoa 1968an hasi zuen Nguessok, Marien Ngouabi jenerala agintera eraman zuen estatu kolpean parte hartuta. Ngouabik PCT alderdia sortu, eta Nguesso Defentsa ministro izendatu zuen. 1977an Ngouabi hil egin zuten, ordea, estatu-kolpe saio batean. Horren ondoren, Hiombi Opangok heldu zion presidentetzari. Bi urte egin zituen karguan. 1979an estatu kolpea eman zuen Nguessok, eta bere gain hartu zituen presidentetza eta armadaren gidaritza.

Hala ere, 1992ko bozak galdu eta Pascal Lissoubak hartu zuen haren lekua. Bost urterako baino ez, ordea. Iraultza lehertu zen 1997an, Nguessok gidatuta. Ordutik etengabe izan da presidente. Gaur liskarrak izan daitezkeela ohartarazi dute giza eskubideen aldeko taldeek. Hori ekiditeko, 17.000 militar aterarazi ditu Gobernuak kalera. Bi milioi lagun deitu dituzte bozkatzera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Giorgia Meloni FdI ultraeskuindarraren buruzagia. ©EFE

Europako eskuin muturrak beso zabalik hartu du Meloniren garaipena

Julen Otaegi Leonet

«Merezitako garaipena» lortu duela adierazi dute haren aliatuek. Bestalde, hauteskundeen emaitzak «tristeak eta kezkagarriak» direla adierazi du Yolanda Diaz Espainiako Gobernuko presidenteordeak.

Vladimir Putin Errusiako presidentea eta Alesandr Lukaxenko Bielorrusiakoa, gaur, Sotxin. ©EFE

Kazakhstanek eta Serbiak ez dituzte aitortuko Ukrainan okupatutako lurretako galdeketen emaitzak

Igor Susaeta

Errusiaren aliatuek eskatu diote Kremili errespetatzeko estatuen «lurralde batasunaren printzipioa». Putinen inguruko agintariek errekrutatzean gertatzen ari diren «hutsegiteak» salatu dituzte.

Giorgia Meloni FdI ultraeskuindarraren buruzagia, gaurko ordu txikietan, emaitzak ospatzen ©EFE

Ultraeskuindarrak buru dituen gobernu bat aldarrikatu du Melonik

Ander Perez Zala

Koalizio eskuindarrak irabazi ditu Italiako Parlamenturako bozak, botoen %44 inguru bilduta, behin-behineko emaitzen arabera. Abstentzioa inoizko handiena izan da: %36.

Oinezkoak Francisco de Paula Santander zubian, Kolonbiaren eta Venezuelaren arteko mugan. ©Rayner Peña R. / EFE

Zazpi urte ondoren berriro ireki dute Kolonbiaren eta Venezuelaren arteko muga

Maddi Iztueta Olano

2015ean igarobidea itxi ostean, lurreko eta aireko merkataritza trukeetarako erabili ahal izango da bi herrialdeen arteko muga. Kolonbiako gobernu aldaketak aukera eman du bi lurraldeen arteko harreman diplomatikoak berreskuratzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...