AEBak eta EB uztailean hasiko dira negoziatzen merkataritza askerako hitzarmena

2013ko ekainaren 17a
17:40
Entzun

Washingtonen hasiko dituzte elkarrizketak, eta bi urtean akordioa itxita egotea espero dute. "Merkataritza, enplegua eta hazkunde ekonomikoa" bultzatuko ditu akordioak, Jose Manuel Durao Barroso Europako Batzordeko presidenteak ziurtatu duenez.

Bi aldeen artean gai labainkorrak daudela onartu dute, eta gaiaz negoziatuko duten batzordeen oztopoak gainditzeko buruzagi gorenek parte hartu beharko dutela aitortu, baina "irudimena eta jarrera irekiarekin" egingo diete aurre erronka zailenei. "Gehiegi dago jokoan", jakinarazi du Herman van Rompuy Europako Kontseiluko presidenteak.

Alemania, Erresuma Batua, Frantzia, Italia eta AEBetako ordezkariek bilera egin dute G8koen hitzorduaren aurretik, negoziazioei bultzada politikoa emateko asmoz.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.