Aitor Zubillaga atzeman dute berriro

Aitor Zubillaga (Legazpi, Gipuzkoa) gaur atxilotu egin dute berriro, Amnistiaren Aldeko Mugimenduak esan duenez. Gaur, Espainiako Poliziak.

2008ko irailaren 25ean, berriz, Frantziako Poliziak atzeman zuen, Zuberoan, bere aurkako euroagindua zela medio eta, prozedura judizial baten ondorioz, Espainiaratu eta espetxeratu egin zuten. Kale erasoetan parte hartzea egotzita epaitu zuten, eta epaiketan absolbitu ondoren aske utzi zuten.

Gaur Espainiako nortasun agiria ateratzera joan denean atxilotu du Poliziak, bere aurkako bilatze eta atxilotze agindua dagoela egotzita. Euroagindu eskaeraz gain, beste prozedura bat du irekia Zubillagak, eta hori dela-eta atxilotu dute. Haren abokatuek habeas corpus eskatu dute gaur bertan, atxiloketa legez kanpokoa dela argudiatuta.