Alderdiak, azken orduan erabakitzekotan

Talde gehienek oraindik ez dute zehaztu zer bozkatuko duten, baina gehienek adierazi dute dagoeneko Zapaterori ez diotela sostengurik emango.

PSOE. 169 diputatu. Baiezkoa erabakita duen talde bakarra da.

PP. 154. Ez du argitu ezezkoa emango duen edo abstenitu egingo den, baina ustekabea litzateke ezezkoa ez ematea.

CiU. 10. Ez dio sostengurik emango. Abstentzioa edo ezezkoa.

EAJ. 6. Ez du argitu zer egingo duen, baina ez duela babestuko eman du aditzera. Abstentzioa edo ezezkoa, ustekabea ematen ez badu.

ERC. 3. Abstentzioa edo ezezkoa.

IU-ICV. 2. Gaspar Llamazares (IU) abstenitu egingo da, eta Joan Herrera (ICV) ezezkoaren eta abstentzioaren artean da.

BNG. 2. Baiezkoa edo abstentzioa.

CC. 2. Ez du «ezer baztertzen». BNG bezala, hitzaldiaren arabera baiezkoa eman dezakeela iradoki du.

UPD. 1. Ez du ezer baztertu, baina nekez emango dio baiezkoa.

NaBai. 1. Abstentzioa edo ezezkoa.