Bederatzi urte egin ditu Iñaki Marinek espetxean. A Lamako kartzelan egin ditu azken hilabetean, Pontevedran (Galizia). 2008ko urrian atxilotu zuten Marin, Iker Aristu, Mikel Marin eta Diego Octaviorekin batera. 2010ean zigortu zuten, kale borroka egotzita.
Joseba Vizan, berriz, Brasilen zegoen preso. Apirilean atxilotu zuten Basauriko iheslaria, asilo eskaria ukatu eta Espainiak haren aurkako estradizio agindua zabaldu ostean. Ordea, goizaldean aske utzi dute, estradiziorako tramiteak argitu bitartean.
