Beste sei pertsona hil dira Yemengo protestatan

Yemenen ere protestak ez dute etenik, eta gaur jakinarazi dutenez, beste sei pertsona hil dira. Manifestazioak Sana hiriburuan eta hainbat hiritan izan dira, batik bat, Taiz eta Amranen, guztiak Ali Abdala Saleh presidentearen aurka. Amranen hainbat tributako milaka kide manifestatu dira Salehren aurka. Horietako asko Kalashnikov fusilarekin armaturik zeuden. Ez zen, hala ere, istilurik izan. Hil diren sei pertsonak Adenen hil dira. Horiekin batera 28 pertsona izan dira zaurituak.