Bihar egingo zaie ongi-etorria atxilotuei

Bihar arratsaldean egingo zaie ongi-etorria Martin Ugalde Kultur Parkearen kontrako operazioan atxilotuak izan diren bederatzi lagunei. Hain zuzen ere, bihar arratsaldeko 18:00etatik aurrera 'Ateak zabalik' ekimena eramango da aurrera kultur parkean, Martin Ugalde Kultur Parkeko enpresa eta erakundeek antolatuta, eta ekitaldi horren baitan, ongi-etorria egingo zaie atxilotuei, arratsaldeko 18:00ak aldera.

Joxean Lizarribar 'Berria'-ko administrazio kontseiluko buruak azaldu du omenaldia bihar arratsaldean izango dela. Gaur gauean, senide, lagun eta lankideek nolabaiteko ongi-etorri txiki bat egingo direla jakinarazi du, baina jendaurrekoa, bihar arratsaldean, Andoainen (Gipuzkoa) Martin Ugalde Kultur Parkean izango dela.