Bortzirietako (Nafarroa) bost alkateek eta hautetsiek protesta elkarretaratzea egin dute gaur eguerdian Donostiako Ospitalearen aurrean, Igor Portu lesakarra han dagoela-eta ustezko torturengatik, eta ondoren hura bisitatzen saiatu dira, baina ez dute lortu. Izan ere, Guardia Zibilak inkomunikatuta dauka Portu, ETAko kidea delakoan; igandean atzeman zuten, Arrasaten (Gipuzkoa).
Inkomunikazioak tortura ahalbidetzen duela salatu dute Bortzirietako alkateek eta hautetsiek.
Lesakako Udalak elkarretaratzea egingo du gaur, 20:00etan hasita, herrian.
LABek gaur ere egin du protesta Donostiako erietxearen aurrean. Portu han ingresatuta dagoen bitartean egingo du elkarretaratzea.
ELAk bihar egingo du, Bilbon, 12:00etan, Moyua Plazan.
Bortzirietako alkateek eta hautetsiek ez dute lortu Portu bisitatzea
Iruzkinak
Ez dago iruzkinik
Ordenatu
