EAJ ez da Donostiako manifestaziora joango, Bartzelonakora baizik

Joseba Egibar EAJko Gipuzku Buru Batzarreko presidenteak gaur jakinarazi du bere alderdia ez dela hurrengo larunbatean Donostiako manifestazioan izango, Bartzelonakoan baizik. Nazioa gara manifestazioa izango da Bartzelonan, Kataluniako plataforma batek deituta. Espainiako Auzitegi Konstituzionalak Kataluniako Estatutua ontzat jo baina murriztu ondotik deitu dute, eta eragile askoren babesa jaso du.