Eguesen anaia eta iloba bisitarik gabe geratu dira, Kordobaraino joan ostean

Ana Belen Egues euskal presoaren anaia Josebari eta horren alaba adingabeari ukatu egin diete harekin Kordobako (Espainia) espetxean aurrez aurreko bisita bat edukitzea. Bioi kartzelako arduradunek esan diete adingabeak aitaren eta amaren baimena behar zuela presondegian sartzeko; espetxe atarian geratu dira Eguesen senideak, Kordobaraino 850 kilometroko bidaia egin ondoren.