ELAk murrizketa dekretua baztertzeko deia egin die alderdiei

ELA sindikatuak alderdiei dei egin die Espainiako Kongresuan murrizketa dekretua onar ez dezaten, "krisia eragin ez duten kolektiboek ordaintzea esan nahi duelako". Sindikatuaren arabera, botere ekonomikoek ordaindu beharrean, funtzionarioei soldata jaistea eta pentsioak izoztea ez da bidezkoa, eta hori dela-eta "zerga politiketan muturreko aldaketak" proposatu ditu, baita "beste gastu batzuk saihestea ere, abiadura handiko trena bezalako azpiegitura garestiak, besteak beste".