Elurra arazo ugari sortzen ari da errepideetan

Elurra arazo asko sortzen ari da Euskal herriko errepideetan. A-8 autobidean, Mendaro eta Eibar bitartean, auto ilara luzea sortu da etengabeko elurrak sortu dituen istripu txikien ondorioz. Ez da leku bakarra gainera. N-1 errepidean ere, arazo ugari daude, besteak beste, Etxegaraten, Mendaroko N-634an, eta Itziarren eta Orion. A-15 autobidean ere elurra kentzeko makinak gora eta behera dabitza egun osoan.

Bigarren mailako errepideetan, berriz, Araban Orduñako mendatea itxita dago, eta Opakuatik igarotzea galarazi diete kamioiei;gainerako ibilgailuek kateak behar dituzte. Nafarrian, NA-2012 eta NA-1011 errepideak itxita daude. Gipuzkoako, Bizkaiko eta Lapurdiko bigarren mailako hainbat errepidetan ere kateak behar dira.