Enplegu publikoaren legegaia

2015eko apirilaren 16a
20:04
Entzun

Jaurlaritzak Enplegu Publikoaren legegaiaren hiru puntu nabarmendu ditu:

-Enplegu publikoa egonkortzea

Lan eskaintza publikoak deitzean «sarrera-txanda bereziak» sortu nahi dituzte, eta horientzat gorde lanpostuen %60. Zortzi urtetik gorako esperientzia duten behin-plazarik gabeko langileentzat edo %40tik gorako behin-behinekotasun tasa duten kategorian daudenentzat izango dira txanda horiek.

-Ibilbide profesionala

Legegaiak aukera zabaltzen du funtzionarioek lanpostuz aldatu gabe beren maila edo soldata igotzeko. Zuzendaritza postuetara iristeko merituak eta gaitasunak kontuan hartuko dituen prozedura bat sortuko dute. 

-Lana eta familia uztartzea

Amatasun baimenak. 20 astekoa izango dute langile publikoek (18 aste orain).

Aitatasun baimenak. 32 egun (28 dira orain).

Senideen laguntza. Urtean zortzi ordu izango dituzte lehen mailako senideei edo familiaren etxean bizi direnei sendagilearen kontsultara edo tratamendu medikuetara laguntzeko.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.