Erreserbak handitu arren, marka berria ezarri du Texasko petrolio upelak

54,60 dolarretan saldu da gaur Texasko petrolio upela New Yorkeko merkatuan, berriro ere inoizko preziorik garestienaren marka ezarriz.

AEBetako Gobernuko Energia Departamenduak uste baino albiste hobeak plazaratu ditu gaur petrolio erreserbari buruz; hau da, uste baino gehiago hazi dela jakinarazi du —milioi bat upeleko hazkundea zegoen aurreikusita, baina, azkenean, 4,2 milioi upelekoa izan da—. Hala ere, datu horrek ez du petrolioaren garestitzea gerarazi.