Europako Batasunak 75.000 milioi euro utziko dizkio Nazioarteko Diru Funtsari

Europako Batasunak (EB) Nazioarteko Diru Funtsari 75.000 milioi euroko mailegua ematea onartu du gaur (100.000 milioi dolar pasa), "honek estuasunak pasatzen ari diren herrialdeak finantza ditzan".

Nazioarteko Diru Funtsak hilabeteak daramatza diru laguntza handiagoa eskatzen. Orain arte, berak jakinarazi duenez, 50.000 milioi dolar bideratu ditu aipatutako helburuarekin, baditu beste 200.000 milioi dolar, baina beste 250.000 milioiren beharrean dela esan izan du.

Japoniak 100.000 milioi dolarreko mailegua eman dio, eta EBk espero du Ameriketako Estatu Batuek eta Txinak ere diru laguntza ematea.