Aintzane Ezenarro Aralarreko eusko legebiltzarkideak gaur adierazi du "Batasunak NaBaiko ateak irekita" dauzkala, betiere koalizioko "oinarriak onartzen baditu eta betorako tentaziorik ez badu. Batasunari ez zaio bestelako plusik eskatuko".
Aralarreko kideak gogoratu nahi izan du Nafarroan 2003tik ari direla abertzaleen indar metaketa egiten, eta proiektu hori Nafarroa Bai dela. Orain arte koalizioan Aralar, EA, EAJ eta Batzarre alderdiak eta independenteak egon dira. 2011ko bozetan Batzarre ez da izango NaBain -IUrekin joango da-.
Ezenarroren ustez, "Nafarroan edozein abertzalerentzat [NaBai] koaliziotik kanpo hotz handia egiten du".
Ezenarro: "Batasunak NaBaiko ateak irekita dauzka bertako oinarriak onartzen baditu"
Iruzkinak
Ez dago iruzkinik
Ordenatu
