Igor Gonzalez de Galdeano Euskaltel-Euskadiko zuzendariak berretsi egin du Frantziako Tourrean bere taldearen helburua etapa bat irabaztea dela, "zaila" dela aitortu du, "baina mendiko maillota lortzea ez da txarra, sari garrantzitsua baita". Egoi Martinez Euskalteleko txirrindularia da, hain justu, mendiko sailkapeneko liderra, atzotik. "Ziklista ausarta da Egoi eta, bere konstantziari eta taldearen lanari esker, mendiko maillota jantzi du", esan du Gonzalez de Galdeanok gaur, itzuliko lehen atseden egunean.
Bederatzi etapa korritu dituzte eta argi du zein den Tourreko talderik indartsuena: "Astana. Oso kontrolatua du lasterketa eta, ezuste handirik ezean, inork ezingo dio egin aurre". Astanako kide dira, esaterako, Alberto Contador eta Lance Armstrong.
Interesgarria izango zaizu
Nabarmenduak
